Denne nettstaden er no offisielt lagt ned, eller i det minste lagt i koma. Eg vil ikkje komma med nokon nye omtalar framover. Dei gode nyheitene er at eg lèt alle dei gamle spelomtalane ligga oppe, og eg har sjekka og retta alle lenkjene, slik at det ikkje skal vera noko problem å lasta ned alle spela. Les gjerne òg historien bak Gratis kvalitetsdataspel, og send meg ein e-post om det er noko du lurer på.
Snake- og Tron-liknande spel er mine favorittar. Dette er eit slikt spel, og det er veldig bra.
Slike spel går ut på styra ein «slange» rundt på eit brett. Denne kan vanligvis eta ulike ting for å bli større og få meir poeng. Ein skal prøva å ikkje krasja med veggen eller seg sjølv (etter ei stund er det nesten ikkje plass igjen på brettet).
Det unike med Pizza Worm er at ein kan snu seg rundt heilt fritt, altså ikkje berre i rette vinklar. I tillegg er grafikken sers flott. Ein kan òg spela i tospelarmodus, noko som er ganske gøy.
Som sagt er grafikken veldig bra og det same er lyden. Han består av både musikk og lydeffektar. Musikken stilig og lydeffektane er kule. Dette har blitt ein av mine absolutte favorittar og vil verkelig anbefala det. Eit av dei beste i sin sjanger!
Pizza Worm vart først omtalt 1999-09-03.